【單身既人點解會單身，大部份原因都係因為你驚】
其實單身好多時都係性格影響，講真吖，冇乜女仔係睇樣架（前提你要注重衛生同埋積極做gym)。你驚呢樣驚嗰樣，遲遲唔敢主動啲，人地梗係唔會再比時間等你啦！所以單身某程度上係你困死左自己，喺開始之前先為自己建立唔同藉口，最後覺得自己冇人中意。
1. 唔願意加入party認識更多朋友
2. 個性慢熟，人地以為你難接近
3. 思考多於行動，顧慮太多
4. 唔敢主動同異性朋友認識，總係好驚嚇親人，或者做錯野令佢尷尬
5. 唔知點怎麼跨越朋友界線，去到最後變成永遠既好朋友
6. 以結婚為前題去拍拖，然後又覺得自己好樣衰、冇錢、會拖累對方
7. 臉皮薄，覺得被拒絕就玩完
8. 只會默默付出，以為對方會睇到，但實際上已經變成一隻兵😰
9. 中意獨處，久而久之就覺得一個人幾好，平時聚會唔會加入當中
10. 太老實，有嗰句講嗰句，唔識講好話，或者傾啲異性有興趣既話題
11. 只會向佢討好、忍讓，冇左真本性
慢慢變成平庸既人，冇吸引人之處
12. 拖泥帶水，覺得遲早都會同自己一齊，追人嗰陣慢慢黎，最後望住對方比人溝走
13. 覺得學業同做野比愛情重要，即使識左女朋友/男朋友都唔會擺佢喺第一位
愛情可能會令人受傷，但係如果得到愛情，嗰份開心同幸福感，唔係話你考到100分或者比老闆讚兩句就可以感受到。嗰種感覺就好似有隻手包住個心咁，好溫暖、好安心，遇到咩難關都可以好有信心咁闖過佢。最後送你一句：只係識防備，係冇辦法同任何一個人一齊架。
Search